ညှဉ်းပန်းနှိပ်စက်မှုနှင့် အခြားရက်စက်၍လူမဆန်သော သို့မဟုတ် လူ့ဂုဏ်သိက္ခာကျဆင်းစေသော ဆက်ဆံ မှု သို့မဟုတ် ပြစ်ဒဏ်ပေးမှုဆန့်ကျင့်ရေးနိုင်ငံတကာသဘောတူစာချုပ်
ဤသဘောတူစာချုပ်ကို ကုလသမဂ္ဂ အထွေထွေညီလာခံ ဆုံးဖြတ်ချက် အမှတ် ၃၉/၄၆ ဖြင့် ၁၉၈၄ ခုနှစ် ဒီဇင်ဘာလ ၁၀ ရက်နေ့တွင် အတည်ပြုခဲ့ပြီး သဘောတူလက်မှတ်ရေးထိုးရန်၊ အတည်ပြု ချုပ်ဆိုရန်နှင့် ထပ်တိုးအဖွဲ့ဝင်အဖြစ် လက်မှတ် ရေးထိုးရန် ထိုနေ့မှ စတင်ခွင့်ပြုခဲ့သည်။ အပိုဒ် ၂၇ (၁) အရ ၁၉၈၇ ခုနှစ်၊ ဇွန်လ ၂၆ ရက်နေ့တွင် စာချုပ်စတင် အသက်ဝင်သည်။
ဤသဘောတူစာချုပ်ကို အတည်ပြုလက်မှတ်ရေးထိုးထားသော အဖွဲ့ဝင် နိုင်ငံများသည် —
ကုလသမဂ္ဂ ပဋိညာဉ်စာတမ်းတွင် ထုတ်ပြန်ကြေညာထားသည့် မူဝါဒများအရသော်လည်းကောင်း၊ လူ သား အားလုံးတွင်ရှိသည့် ငြင်းပယ်၍မရသော တူညီမျှတသည့် အခွင့်အရေးများကို အသိအမှတ်ပြုခြင်း သည် ကမ္ဘာတစ်ဝန်း လွတ်လပ်ခြင်း၊ တရားမျှတခြင်းနှင့် ငြိမ်းချမ်းခြင်းတို့၏ အခြေခံအုတ်မြစ် ဖြစ်သည် ဟု ခံယူ၍သော်လည်းကောင်း၊
ထိုအခွင့်အရေးများသည် လူသားတစ်ဦး၏ မွေးရာပါလူ့ဂုဏ်သိက္ခာမှ ဆင်းသက်လာသည်ကို အသိအမှတ်ပြု၍သော်လည်းကောင်း၊
လူ့အခွင့်အရေးနှင့် အခြေခံလွတ်လပ်ခွင့်များကို လူသားတိုင်း လေးစားလိုက်နာရေးနှင့် အသိ အမှတ်ပြုရေးတို့ကို မြှင့်တင်ပေးရန် အစိုးရများတွင် တာဝန်ရှိသည်ဆိုသည့် ကုလသမဂ္ဂ ပဋိညာဉ်စာတမ်း အပိုဒ် ၅၅ အရ သော်လည်းကောင်း၊
မည်သူ့ကိုမျှ ညှဉ်းပန်းနှိပ်စက်မှုနှင့် အခြားရက်စက်၍ လူမဆန်သော သို့မဟုတ် လူ့ဂုဏ်သိက္ခာ ကျဆင်းစေသော ဆက်ဆံမှု သို့မဟုတ် ပြစ်ဒဏ်ပေးမှုမရှိစေရဟု ပြဋ္ဌာန်းထားသည့် အပြည်ပြည်ဆိုင်ရာ လူ့အခွင့် အရေးကြေညာစာတမ်း အပိုဒ် ၅ နှင့် နိုင်ငံသားနှင့် နိုင်ငံရေးအခွင့် အရေးများဆိုင်ရာ နိုင်ငံတကာ သဘောတူစာချုပ် အပိုဒ် ၇ တို့ကို လေးစားလိုက်နာ၍သော်လည်းကောင်း၊
၁၉၇၅ ခုနှစ်၊ ဒီဇင်ဘာလ ၉ရက်နေ့တွင် ကုလသမဂ္ဂအထွေထွေညီလာခံမှ အတည်ပြုခဲ့သည့် ညှဉ်းပန်းနှိပ်စက်မှုနှင့် အခြားရက်စက်၍ လူမဆန်သော သို့မဟုတ် လူ့ဂုဏ်သိက္ခာကျဆင်းစေသော ဆက် ဆံမှု သို့မဟုတ် ပြစ်ဒဏ်ပေးမှုမှ လူသားအားလုံးအား အကာအကွယ်ပေးရေး ကြေညာချက်ကို လေးစား လိုက်နာ၍သော်လည်းကောင်း၊
ကမ္ဘာတစ်ဝန်းလုံးတွင် ညှဉ်းပန်းနှိပ်စက်မှုနှင့် အခြားရက်စက်၍ လူမဆန်သော သို့မဟုတ် လူ့ဂုဏ်သိက္ခာ ကျဆင်းစေသော ဆက်ဆံမှု သို့မဟုတ် ပြစ်ဒဏ်ပေးမှု ဆန့်ကျင်ရေးလှုပ်ရှားမှုကို ပိုမိုထိ ရောက်စေလိုသော ဆန္ဒဖြင့် သော်လည်းကောင်း၊ အောက်ပါအတိုင်း သဘောတူကြပါသည်။
