လူ့အခွင့်အရေးချိုးဖောက်မှုများအား မှတ်တမ်းတင်ခြင်း(မွမ်းမံ) သင်တန်းနည်းပြလက်စွဲ

လူ့အခွင့်အရေးမှတ်တမ်းကွန်ရက် (မြန်မာနိုင်ငံ) ND-Burma အနေဖြင့် မြန်မာနိုင်ငံတွင်း လူ့အခွင့်အ ရေးချိုးဖောက်မှုများ မှတ်တမ်းတင်သည့်လုပ်ငန်းကို ကွန်ရက်စတင်ဖွဲ့စည်းခဲ့သည့် ၂၀၀၄ ခုနှစ်မှ စတင်ဆောင်ရွက်ခဲ့သည်။ 

ကွန်ရက်အဖွဲ့ဝင်များ အခြေစိုက်ရာဒေသများသည် ပြည်တွင်းစစ်ဖြစ်ပွားရာဒေသများဖြစ်ပြီးတိုက်ပွဲများနှင့် နောက်ဆက်တွဲ လူ့အခွင့်အရေးချိုးဖောက်မှုများကို မှတ်တမ်းတင်နေသကဲ့သို့ တချို့ ကွန်ရက်အဖွဲ့ဝင်များမှာ အကြောင်းအရာကို အခြေခံ၍ မှတ်တမ်းတင်နေသည့် အဖွဲ့များရှိသည်။ 

မြန်မာနိုင်ငံ၏ နှစ်ပေါင်း ၇၀ ကျော် ပြည်တွင်းစစ်တလျှောက် တိုင်းရင်းသားဒေသများရှိ ပြည်သူလူ ထုသည် စစ်ပွဲများ၏ အနိဌာရုံနှင့် စစ်တပ်၏ လူ့အခွင့်အရေးချိုးဖောက်မှုကို နှစ်ပေါင်းများစွာ ခံစားကြရသည်။ ၂၀၂၁ ခုနှစ် ဖေဖော်ဝါရီလတွင် စစ်တပ်မှ အာဏာသိမ်းပြီးနောက် မြန်မာနိုင်ငံ တဝှမ်းလုံးရှိ ပြည်သူလူထုအားလုံးမှာ စစ်အာဏာရှင်တို့၏ အပြင်းအထန် ဖိနှိပ်မှုနှင့် လူ့အခွင့်အ ရေးချိုးဖောက်မှုများကို ခံစားကြရသည်။

ထိုအခြေအနေတွင် စစ်အာဏာရှင်တို့၏ လူ့အခွင့်အရေးချိုးဖောက်မှုများကို စနစ်တကျ မှတ်တမ်းတင်ခြင်းဖြင့် နစ်နာခဲ့သူများအတွက် အမှန်တရားနှင့် တရားမျှတမှုဖော်ဆောင်နိုင်မည်ဖြစ်သည်။ထို့ကြောင့် လူ့အခွင့်အရေးမှတ်တမ်းကွန်ရက် (မြန်မာနိုင်ငံ) မှ နှစ်ပေါင်းများစွာ ဆောင်ရွက်ခဲ့သည့် လူ့အခွင့်အရေးမှတ်တမ်းတင်ခြင်းသင်တန်းနှင့် မြေပြင်တွင်လက်တွေ့ မှတ်တမ်းတင်ခဲ့သည့် အတွေ့အကြုံများအပေါ် အခြေခံ၍ လူ့အခွင့်အရေးမှတ်တမ်းတင်ခြင်း သင်တန်းနည်းပြ (အခြေခံ) ကို ခေတ်နှင့်အညီ မွမ်းမံ၍ ၂၀၂၂ ခုနှစ် ဇွန်လတွင် ထုတ်ခဲ့ပါသည်။ 

နောက်ဆက်တွဲအနေဖြင့် လူ့အခွင့်အရေးမှတ်တမ်းတင်ခြင်း သင်တန်းနည်းပြ (မွမ်းမံ) ကိုလည်း ထပ်မံ ထုတ်ဝေလိုက်ပါသည်။ 

ယခု ထုတ်ဝေသည့် မွမ်းမံအဆင့်တွင် – နိုင်ငံတကာ ရာဇဝတ်မှုများဖြစ်သည့်စစ်ရာဇဝတ်မှု (War Crime) ၊ လူသားမျိုးနွယ်အပေါ် ကျူးလွန်သော ရာဇဝတ်မှု(Crime Against Humanity၊ လူမျိုးတုန်းသတ်ဖြတ်မှု (Genocide)၊ လူ့အခွင့်အရေးချိုးဖောက်မှုများ၏ အင်္ဂါရပ်များ (Elements of Crimes)၊ မေးခွန်းများပြင်ဆင်ခြင်း၊ အမြင်ဆိုင်ရာ   အချက်အလက်များ   စုစည်းမှတ်တမ်းတင်ခြင်း၊   မြေပြင်မှမှတ်တမ်းတင်ထားသည့် အချက်အလက်များအား ရေးသားပေးပို့ အစီရင်ခံခြင်းနှင့် အသွင်ကူး ပြောင်း ရေးဆိုင်ရာ တရားမျှတမှုအကြောင်းတို့ကို အလေးပေး ဖော်ပြထားပါသည်။ 

ယခု သင်တန်းနည်းပြလက်စွဲ ထုတ်ဝေနိုင်ရန် ကြိုးပမ်းပေးကြသော သင်တန်းအဖွဲ့နှင့် ပါဝင်ဆောင်ရွက်ကြသူအားလုံးအား အထူးကျေးဇူးတင်ရှိပါသည်။

Owner -ND-Burma

Language – မြန်မာ